LED lýsing – 18. nóvember 2020

Á námskeiðinu verður farið ítarlega í þá ljóstæknilegu þætti sem þarf að hafa í huga við val á LED ljósgjöfum s.s ljósmagn, litarhitastig og litarendurgjöf. Einnig verður farið yfir hvað skal hafa í huga þegar LED er valið í ákveðin rými eins og verslanir, skóla, skrifstofur, heimili, útilýsingu, söfn, íþróttahús o.fl.

Boðið verður upp á sýnikennslu og líflegar umræður þar sem algengum spurningum um LED verður reynt að svara, líkt og: Hvað er góður líftími á LED? Hvað er “human centric lighting”? Heldur blátt ljós fyrir mér vöku? Hvernig myndast flökt? Hvað er “constant light output”? Gera LED ljós Trump appelsínugulan? Hvaða Watt á LED peru á ég að velja eða hversu mörg lúmen? Hvaða ljóslit á ég að velja í rými? Hvernig sjáum við ljós? Hvað er TM-30-15? Hvernig dimma ég LED? Hvað er IoT? Er LED framtíðarljósgjafinn?

Fyrir hverja: 
Námskeiðið er hugsað fyrir þá sem þurfa að taka upplýstar ákvarðanir með innkaup eða sölu á LED lömpum t.d sölumenn lampabúnaðar, arkitekta, hönnuði, verkfræðinga, verktaka, umsjónarmenn fasteigna og almennt þá sem vilja kynnast nýjungum sem LED ljóstæknin hefur í för með sér.

Forkröfur/undanfari: 
Engar forkröfur, námskeiðið er opið öllum.

Helvar DALI Ljósastýringar – Grunnnámskeið 23.-24.nóvember 2020

Viðfangsefni áfangans er Helvar DALI íhlutir – Forritun í Designer. Kynning á Helvar íhlutum og virkni þeirra. Farið er yfir grunn í forritun Helvar DALI ljósastýringa í Designer.

Tímasetningar námskeiðsins

23. nóv 08:30 – 17:00 (Fjarkennsla)

Stutt kynning á Helvar
Farið yfir grunn Dali
Kynning á Dali kerfinu frá Helvar
Kynning á Designer 4 & 5

24. nóv 08:30  – 17:00 (á Stórhöfða 27)

Forritun á Ljósum
Forritun á Rofum
Forritun á Senum
Forritun á Groupum
Forritun á Hreyfiskynjurum
Forritun á Klukku
Forritun á Sólúri